تاند( شنبه ، د سرطان یوولسمه ) د طالبانو د سوداګرۍ او صنعت وزارت د سرپرست نورالدین عزیزي په مشرۍ د حکومت او خصوصي سکتور یو ګډ پلاوی نن سهار د ازبکستان پلازمېنې تاشکند ته روان شو.
د طالبانو د اعلاميې له مخې ، دغه پلاوی د سوداګرۍ د پیاوړتیا، د ټرانزیټ د اسانتیاوو او د افغان سوداګرو د ستونزو د حل په اړه له ازبکستاني چارواکو سره خبرې کوي.
ازبکستان له هغو هېوادونو څخه دی ، چې طالبانو سره په ټوله او په خاص ډول په اقتصادي او سوداګريزه برخه کې ښې اړيکې لري.
د طالبانو او ازبکستان چارواکو مخکې هم د اقتصادي او سوداګريزو مسایلو په اړه سفرونه او خبرې اترې کړې وې.