تاند( پنجشنبه ، د سرطان نهمه ) د پاکستاني طالبانو د تحریک مشر مفتي نور ولي محسود خبرداری ورکړی ، چې که د پاکستان حکومت سره ېې د سولې خبرې پایله ورنه کړي ، د پاکستان د ځواکونو خلاف به خپلو بریدونو ته دوام ورکړي.
نوموړي په یوه ویډیويي پیغام کې ویلي ، چې د پاکستان حکومت سره ېې د سولې مذاکراتو کې د پام وړ پرمختګ نه دی شوی.
هغه دا څرګندونې په داسې حال کې کړي ، چې په وروستيو کې د پاکستان حکومت او تحریک طالبان پاکستان د افغانستان د واکمنو طالبانو په منځګړيتوب په کابل کې د سولې خبرو د مهلت په دود څو مياشتینی اوربند اعلان کړ.
د پاکستان تر واک لاندې د پښتونخوا مشهور ملتپال سياستوال افراسياب خټک بيا وايي، چې د پاکستاني طالبانو تحريک هم د افغانستان د طالبانو د تحریک په شان د پاکستان يوه استخباراتي پروژه ده، چې دواړه د يو بل په همغږۍ د پاکستان د ګټو لپاره کار کوي او کنټرول یې د پاکستان په لاس کې دی.
د افراسياب خټک په وينا، د عوامي نيشنل ګوند د پښتونخوا د مشرۍ په وخت کې ېې د پاکستان د طالبانو تحريک په پښتونخوا کې د دوی د ګوند شاوخوا زر تنه فعاله څېرې د پاکستان په امر وژلي دي.
ttp is handmade of ISI.
ISI KILLING PASHTOONS AND TTP ALSO KILLING PUSHTOONS.
WHY TTP CAN NOT DO JIHAAD IN PUNJAAB OR SENDH.