تاند( جمعه ، د سرطان درېیمه) د طالبانو د سرپرست حکومت وياند ذبيح الله مجاهد وايي، چې له ګوانتانامو زندانه افغان بندي اسدالله هارون را خوشی دوی ته وسپارل شو
د نوموړي په وينا ، دغه بندي د طالبانو د اسلامي امارت په هڅو او له امریکا سره دمخامخ اومثبت تعامل په نتیجه کې خوشې شوی.
نوموړی زیاتوي ، چې د دغه بندي له خوشې کيدو سره یو بل افغان بندي په ګوانټانامو زندان کې باقي پاتې دی.
طالب وياند زياتوي، چې په نورو هېوادونو کې د بندي شوو افغانانو راخوشي کول او د هغو پوښتنه کول خپله وجیبه ګڼي او هڅه کوي چې هیڅ افغان هم په نورو هېوادونو کې د مظلومیت په حال کې پاتې نه شي.
د ذبیح الله مجاهد په خبره، همدا اوس له ځینو هغو هېوادونو سره په تماس کې دي چې هلته افغانان په مختلفو عنوانو بندیان شوي او د ژر را خلاصیدو هلې ځلې یې روانې دي.
د طالبانو وياند زياتوي، چې اسدالله هارون به نن له خپلې کورنۍ سره يوځای شي.
هغه د نوموړي په خلاصون کې له قطر هېواد څخه د اسانتیاوو د برابرولو له امله مننه کړې او دغه هېواد ېې « ورور» ګڼلی.
د طالب ویاند څرګندونې په داسې حال کې دي ، چې یو شمېر افغان منتقدین ېې په هېواد کې دننه له خپلو منتقدینو او د افغانستان د ړنګ شوي نظام له منسوبینو څخه د طالبانو په لاس د زندانونو پر ډکیدو نیوکې کوي.
طالبان بيا د خلکو بندیانول او شکنجه کول ردوي او د بهرنيو چارو وزير خو ېې ادعا کوي ، چې دوی هیڅ سیاسي بندي نه لري.
ښه انګلیسی او سیاست به یی زده کړی وی
خبره دا نه ده چی په ګوانتانامو کی ناست زندانیان مجرمین دی که نه بلکه خبره دا ده چی د ګوانتانامو د زندان شتون د بشری کرامت او بشری حقوقو د مراعات د ادعا خلاف کړنه ده.
امّا
امریکائیانو به احمد یا محمود د ګوانتانامو له زندان څخه خوشی کړی وی خو پر ځای ئې د افغان د پراخ سرزمین او ۳۰ میلونی وولس څخه ستر زندان جوړ کړیدئ او زندانبان ئې هغه څوک ګومارلئ دئ چی وولس سخته کرکه ترې لری.
د مظلوم وولس شونډان هغه وخت نور چاودیدلی او ستوني ئې نور هم وچ سی کله چی ووینی امریکائی او طالب پخپلو منځو کی په زرګری جګړه بوخت دی.