تاند( دوشنبه، د جوزا ۲۳ مه) په خوست کې د طالبانو ځايي چارواکي، چې د دې ولايت د جلغوزیو د یوه مهم ځنګل د اور وژنې لپاره د ځايي خلکو اشر پیل شوی.
د خوست د کرنې رياست لپاره د طالبانو رییس مولوي عبدالصمد وايي چې دغه اورلګېدنه د یکشنبې په ورځ سهار وختي د ډیورنډ کرښې په اوږدو کې د موسی خېل او قلندر ولسوالیو په اړوند د «لنډي کلي» په سیمه کې رامنځته شوې ده.
مولوي عبدالصمد همدارنګه وايي چې د سیمې اوسېدونکي د دغه اور د مخنیوي او وژلو لپاره لاس په کار شوي او تراوسه د حکومت له خوا اقدام نه دی شوی.
ځایي خلکو له حکومت څخه غوښتي، چې په دې برخه کې په جديت او عجلې سره لاس په کار شي.
څه موده مخکې د نورستان او کونړ دوو ځنګلونو هم اور اخیستی و.
د طالبانو د کرنې او مالدارۍ وزارت مرستيال مولوي صدراعظم له یادې اور لګېدنې وروسته وویل، چې د ځنګلونو د ساتلو لپاره ځانګړې قطعې جوړوي.
د طالبانو له واکمنيدو سره، د افغانستان د مختلفو ځنګلونو د وهلو او قاچاق خبرونه هم زيات شوي، خو طالب چارواکي يې په کلکه ردوي.