تاند(يکشنبه، د جوزا ۲۲ مه) په نېمروز کې يوه کس د مېرمنې په ګډون د خپلې کورنۍ ۹ غړي وژلي دي.
په نېمروز کې د طالبانو د امنيت آمر مولوي محمد مهاجر ویلي، چې دا پېښه نن له غرمې وروسته رامنځته شوې ده.
سرچېنې د نوموړي کس هويت، پېښې کره ځای او احتمالي دلایل نه دي په ډاګه کړي.
ويل شوي، چې په وژل شويو کسانو کې د دغه کس پر مېرمنې سربېره د نوموړي ماشومان او خسر هم شامل دي.
د ځایي چارواکو په وينا، د پېښې عامل له پېښې وروسته په تېښته بريالی شوی.
په وروستيو کې د افغانستان له بېلابېلو برخو څخه د کورني تاوتريخوالي د زياتو داسې پېښو خبرونه ورکول کېږي.
شنونکي اقتصادي ناورين، بې کاري او د طالبانو له واکمنيدو سره د متشدد ذهنیت لا نور عامیدل او حاکمیدل د ورته پېښو اصلي لاملونه بولي.