تاند(چار شنبه، د جوزا ۱۸ مه) د طالبانو د دفاع وزارت هوايي ځواکونو د دوو نورو الوتکو د ترمیم او فعاله کېدو خبر ورکړی دی.
د یاد وزارت د هوايي ځواکونو قوماندانۍ انجینرانو له اونیو هڅو وروسته، دوه (AN32 روسي او C208) الوتکې بیا فعال او د کابل په اسمان یې بریالي پروازونه تر سره کړل.
AN32 د سرچینې د معلوماتو له مخې، الوتکې چې په هر ډول شرایطو کې د مقاومت له پلوه د لوړ کیفیت لرونکي دي، د دغو الوتکو په بیا فعالیدو سره به د پوځي ټرانسپورټ او لوژستیکي لیږد له ډګره دغه تشه ډکه شي.
د طالبانو له واکمنيدو څخه وروسته، د افغان هوايي ځواکونو تخنیکرانو او انجینرانو یو شمېر غیر فعالې او ویجاړې شوې الوتکې فعالې او ترمیم کړې وې.
د طالبانو د دفاع وزیر مولوي یعقوب مجاهد د هوايي ځواک فعالولو ته د خاصې پاملرنې ژمنه کړې ده.
له دې سره خلک وايي، چې د جمهوري نظام په شان د طالبانو په اداره کې هم هوايي امکانات د ملت او خلکو پر ځای د طالبانو د ځينو مشرانو لپاره ډېره وفاداري لري.
څه موده مخکې، په هلمند کې د طالبانو د يوه پوځي مقام اړوند عکسونه خپاره شول، چې خپل کور ته په پوځي هلیکوپټرو کې تللی و.
د ټالب پلار هم پوځي الوتکې نشي ترمیمولای. دا د افغانستان مسلکي او تجربه لرونکي انجنیران او تخنیکران دي چې په خپل همت او علمیت سره ئې د وطن لپاره په نشتو امکاناتو داسې خدمتونه کړي دي .