تاند(پنجشنبه، د جوزا ۱۲ مه) د طالبانو چارواکي وايي، چې له افغاني شخصيتونو سره د تماس کمسيون له لارې يې د جمهوري نظام د ترانسپورت وزارت سرپرست حسني مبارک عزيزي له ترکيې څخه نن خپل هيواد ته راستون شو.
هغه ته د کابل په نړيوال هوايي ډګر کې د طالبانو د يو شمېر چارواکو له لوري هرکلی وویل شو.
د طالبانو د معلوماتو له مخې، نوموړي هيواد ته په راتګ سره ډير د خوښۍ احساس وکړ.
حسني مبارک عزيزي د لغمان د پخواني والي او د بې واکه شوي ولسمشر اشرف غني د سلاکار محمد اقبال عزيزي ورور دی.
هغه پخوا د غزني د پوهنې د رييس په توګه هم دنده ترسره کړې، چېرته چې ویل کیږي طالبانو د پښتنو زده کوونکو پر وړاندې لسګونه ښوونځي تړلي وو.
پر ښاغلي عزيزي تور و، چې د خيالي ښوونځيو په توګه ېې د دغو ښوونځيو امکانات له حکومت څخه ويستل او د طالبانو له ځایي مشرانو سره یې تقسیمول.
نوموړي دا تورونه رد کړي وو.
د حسني مبارک عزيزي کورنۍ د ملي محاذ ګوند سره نيږدې اړيکې لري او د دغه ګوند مشر پیر سيد حامد ګيلاني په کابل کې د طالبانو تر حفاظت او ملاتړ لاندې ژوند کوي.
دا کُسمادران ( اکثره طالبان او ګیلانیان او د پخوانی حکومت ځینی عناصر ) د انګریز مستقیم او غیر مستقیم نوکران دی.