تاند(چار شنبه، د جوزا ۱۱ مه) د رند په نوم یوې امریکايي فکر خونې د یوه تازه راپور له خپرولو سره امریکايي چارواکو نه غوښتي، چې په افغانستان کې واکمنو طالبانو سره تعامل وکړي.
دغه انسټیټیوټ په دې راپور کې، چې يو لیکوال ېې د افغانستان لپاره د امريکا پخوانی استازی جیمز ډابنز دی، ويلي: « امریکا د طالبانو پر وړاندې درې انتخابه لري: تعامل، انزوا او مخالفت)).
سرچينه زياتوي، چې تعامل به له دې درې واړو انتخابونو څخه ښه انتخاب وي، چې دوی یې غوښتنه لري.
په راپور کې د افغانستان د بشري ناورين او عاجلو مرستو اړتيا ته اشاره شوې او هم ټينګار شوی، چې طالبان پياوړي وو، ځکه يې د بهرنيو ځواکونو د وتو له نېټې پوره کيدو سره کابل ډېر ژر ونيوه.
د افغانستان د پرزول شوي جمهوري نظام د ارګ ماڼۍ يوې سرچينې تاند ته وويل، چې په رند انسټیټیوټ کې د امریکا د پخواني استازي زلمي خليلزاد مېرمنه له اصلي ونډه والو څخه وه.
د سرچينې د معلوماتو په اساس، دغه انسټیټیوټ د جمهوري نظام پر مهال د طالبانو د واک ته ګرځولو لپاره زلمي خليلزاد سره ګډې پروژې مخته وړلې او له دې کبله ولسمشر غني زلمي خليلزاد ته د يوې ټليفوني مکالمې په ترڅ کې رسمي اعتراض کړی و.
افغانان هغه وخت په امریکا باوری کیږی چی د افغانانو ته یی نور ضرر نه رسیږی، چی کله همدا امریکا د پاکستان پر پوځ او استخباراتو باندی داسی بندیز ولګوی لکه د سپاه پاسداران ایران، او له پاکستان څخه ټول ورکړی پورونه واخلی او نوم یی تورلیست ته خطا کړی او نړیوالی جنایی او جنګی جرمی محکمی ته د پاکستان د پوځ او استخباراتو مشران ور وپیژنی نو بیا موږ حد اقل ۵۰ سلنه اطمنان لاسته راوړو چی امریکا نور زموږ له وژلو او د دښمنی له سیاست او پالیسی څخه کار نه اخلی ځکه همدا اوس د افغانستان په فضا د پاکستان له خاوری د شپی له لوری د پاکستان سره نږدی ولایاتو کی د دوی نظامی او ډرون طیاری ګزمی کوی نو څنګه موږ باور وکړو چی امریکا زموږ د وژلو او بربادولو پلان نلری، یو څه چی غواړم ووایم هغه دادی کچیری نړی له موږ سره د واقعی او حقیقی او په متقابل احترام په شکل سیاست کوی باید د دوی سره خپلو ملی ارزښتونو او ګټو ته په کتو، سیاسی او تجارتی اړیکی وساتو مګر داسی نه چی هغه هره ورځ زموږ د وژلو لپاره پلان جوړوی او زموږ مشران بیا ووایی چی موږ ملی مصلحت په کتو سره په وړاندی هیڅ هم نشو کولای ، لازمه ده چی دا ډول چارواکو ته د دوی مشاورینو له لوری ملی مصلحت تعریف وشی او د ګاونډیو هیوادونو شوم اهداف ورته ور وپیژندل شی. تاریخ ګواه دی او زموږ هر وینا او کردار په زموږ راتلوونکی نسل ګوری او د خاین او خادم ترمینځ به فکر کوی او هر انسان ته مرګ راځی او الله تعالی موږ سره زموږ د اعمالو په اساس حساب او کتاب کوی