تاند(جمعه، د ثور ۳۰ مه) د طالبانو د رژيم چارواکو ویلي، چې د امرالله صالح څو وسله والې ډلې یې نيولي دي.
د طالبانو د کورنيو چارو وزارت د اعلامیې په اساس د پولیسو ځانګړو قطعاتو یې د امرالله صالح په مشرۍ د «مقاومت» تر نامه لاندې ددې ډلې مهم مرکز کشف کړ.
سرچينه زياتوي:(( یادې ډلې کابل او پروان کې ورانکاري فعالیتونه کول چې د کابل په سر کوتل، شکردره او د پروان په سيدخېلو او سالنګ ولسواليو کې له اسنادو سره ونيول شول.))
امرالله صالح په دې اړه څه نه دي ويلي.
نوموړي تر اوسه په خپله مشرۍ د مقاومت د کومې ډلې د موجوديت په تړاو څه نه دي ويلي.
امرالله صالح مخکې د احمد مسعود په مشرۍ د مقاومت ډلې سره د يو ځای والي خبر ورکړی و.