د پاکستان او سریلانکا کرکټ ملي لوبډلو ترمنځ د ۲ ټیسټ او د ۳ یوه ورځنیو لوبو لړۍ، چې ټاکل شوې وه، په جولای او اګست مياشتو کې تر سره شي، محدوده کړل شوې.
د رسنیو د راپورونو له مخې، ټاکل شوې، چې پاکستان به راتلونکي جولای میاشت کې د سریلانکا سفر ولري او هلته به ۲ ټېسټ سيالۍ ترسره کړي او ۳ یوه ورځنۍ سیالۍ به لغوه شي.
رسنۍ وايي، سریلانکا کرکټ بورډ د پاکستان کرکټ بورډ سره په اړیکه کې شوی او په جدي ډول یې ترې غوښتنه کړې، څو د یو ورځنیو لوبو لوبلړ لغوه اعلان کړي.
راپورونه وايي، چې د پاکستان کرکټ بورډ هم ورسره منښته کړې.
Samantha Dodanwela appointed as the Tournament Director of the @LPLT20 –
READ: https://t.co/Z6Idk7BXnK #LPL2022— Sri Lanka Cricket 🇱🇰 (@OfficialSLC) May 4, 2022
په پام کې ده، چې سریلانکا د جولای او اګست میاشتو کې د کور دننه د شل اوریز لیګ کوربتوب وکړي، چې دې اقدام د پاکستان سره د یوه ورځنیو لوبو لړۍ لغوه کړه.
هېره دې نه وي، چې د ۳ یو ورځنیو لوبو دغه لوبلړۍ د نړیوال جام سوپر لیګ سیالیو برخه نه ده.