تاند:( یکشنبه، د ثور اتلسمه) د طالبانو امنيتي ځواکونو په کابل کې یو ځوان د انسان تښتوونکو له منګولو آزاد کړ.
په کابل کې د طالبانو د امنیې قوماندانۍ ویاند خالد ځدراڼ وايي چې امنيتي ځواکونو یې دغه ځوان په باغ بالا سیمه کې د انسان تښتوونکو له منګولو آزاد کړی دی.
د نوموړي په خبره، انسان تښتوونکي په تېښته بریالي شوي؛ خو د نیولو هڅې یې پیل شوي دي.
په وروستيو کې د انسان تښتونې پېښې د طالبانو د واکمنۍ د نورو میاشتو په نسبت بیرته کمې شوي دي.
څو ورځې مخکې د طالبانو امنيتي ځواکونو د نارينه وو په جامو کې یوه ښځینه، په پکتیکا ولایت کې د انسان تښوونکو له منګولو ژغورلې وه.