تاند:( شنبه، د ثور لسمه) سعودي عربستان رسما اعلان کړی چې اختر د دوشنبې په ورځ دی ځکه د شوال هلال نه دی لیدل شوی نو په دې توګه سبا دېرشمه روژه ده.
متحده عربي اماراتو او يوشمېر نورو اسلامي هېوادونو هم همدا اعلان کړی دی.
له دې اعلان سره به په افغانستان کې هم سبا دېرشمه روژه او بل سبا د کوچني اختر لومړۍ ورځ وي.
سږنی اختر په داسې مهال نمانځل کېږي، چې ډېری افغانان ورته د پخوا په شان خوشاله نه ښکاري.
د طالبانو له واکمنیدو سره له هېواده وتلو ډېرو کسانو په ټولنیزو رسنیو کې د جلا وطنۍ، په هېواد کې مېشتو د فقر او بې سرنوشتۍ او ډېرو نورو د بې کارۍ او اقتصادي ستونزو له کبله سږنی اختر خواشینونکی ګڼلی.