تاند:( سې شنبه، د ثور شپږمه) په کابل کې د روسیې سفارت د کابل- ماسکو تر منځ د آریانا افغان هوايي شرکت د الوتنو د بيا پيل خبر ورکړی.
دغه سفارت په یوه اعلامیه کې ویلي، چې له دې وروسته به د ياد شوي شرکت يوه الوتکه هره دوشنبه له کابل څخه ماسکو ته ځي او هره سې شنبه به بيرته له ماسکو څخه کابل ته را ګرځي.
په افغانستان کې د جمهوري نظام له سقوط او د طالبانو له بيرته واکمنیدو سره د افغانستان او ډېرو هېوادونو ترمنځ هوايي سفرونه وځنډیدل.
له دې کبله د ناروغانو تر څنګ ګڼ افغان محصلين، سوداګر او نور خلک ګڼو ستونزو سره مخامخ شوي دي.