تاند:( دوشنبه، د حمل ۲۲ مه) د بدخشان په کوهستان ولسوالۍ کې د طالبانو او پر ضد یې د مقاومت کوونکو ځواکونو تر منځ د درنې جګړې خبر ورکړل شوی دی.
د طالبانو مرستیال ویاند بلال کریمي د دې جګړې په اړه ویلي، چې هلته یې ځواکونو د عملیاتو په پایله کې ۷ تنه شر اچوونکي وژلي او څو تنه نور يې نيولي دي.
په ټولنیزو رسنیو کې د بدخشان د يادې سيمې يو شمېر اوسېدونکو د ډېرو جزییاتو پرته په دې ولسوالۍ کې د درنې جګړې خبر ورکړی.
د طالبانو کومې مخالفې وسله والې ډلې تر اوسه د دې جګړې په اړه څه نه دي ويلي.
خبري سرچینې شکايت کوي، چې د طالبانو د سختو قیوداتو له کبله د دوی خلاف د جنګي فعاليتونو سمه خبر رسونه نه شي کولای.