تاند:( یکشنبه، د حمل ۲۱ مه) داعش ډلې د پاکستان تر ولکې لاندې باجوړ قبايلي سيمه کې د پخواني پوځي مقام زمين خان د وژلو مسووليت پر غاړه اخيستی.
زمين خان د تېرې جمعې په ورځ دباجوړ د ماموند په لغړۍ سيمه کې ووژل شو.
داعش ډلې د خپل انسټګرام له لارې د نوموړي د وژل کيدو مسوليت پر غاړه اخيستی.
پاکستاني شنونکو په دغه هېواد کې د يادې ډلې د فعالیتونو زیاتیدل د اندیښنې وړ ګڼلي.
تيره مياشت د پېښور په قيصه خوانۍ کې پر یوه جومات د برید مسوولیت هم داعش ډلې پر غاړه اخيستی و.
په دې برید کې ۶۰ لمونځ کوونکي وژل شوي او تر ۲۰۰ ډېر نور ټپيان شوي وو.