تاند:( شنبه، د حمل ۲۰ مه) د کابل ښار په سلیم کاروان سیمه کې نن د طالبانو د امنیتي ځواکونو پر یوه رینجر چاودنه شوې ده.
د طالبانو امنيتي چارواکو په دې اړه څه نه دي ويلي، خو يو شمېر عیني شاهدان وايي چې له چاودنې وروسته د طالبانو ځواکونو ډزې کړي.
د دې پېښې د تلفاتو په اړه معلومات نشته، خو ويل کيږي چې ملکيانو ته هم پکې مرګ ژوبله اوښتې ده.
په وروستيو کې له کابل څخه د څو چاودنو خبرونه ورکړل شوي، خو مسووليت یې کومې ډلې پر غاړه نه دی اخیستی.
سلیم کاروان سیمه د کابل ښار په شمال کې موقعيت لري او هلته د طالبانو خلاف د پنجشېر مقاومت ډلې د پلویانو موجوديت ته په کتو سره ګومان کېږي، چې د پېښې مسووليت دا ډله پر غاړه واخلي.
زه فکر کوم د نظار شورا غواړي په خپلو تبلیغاتو سره ټالبان وارخطا کړي او نړیوالو ته هم وښایی چې د دوی پرضد څو رنګارنګ ډلې سره متحدې شویدي .
د افغانستان د خلک دموکراتیک ګوند د دوکتور نجیب الله په وخت کې په 1368 کې خپل نوم د وطن پر ګوند تبدیل کړ که څه هم د پرچم ډلې د محمود بریالي په مشرۍ له دوکتور نجیب الله سره مخالفت درلود خو د ګوند دنوم په هکله کوم چا اعتراض نه وو کړی . بنا د افغانستان د خلک دموکراتیک ګوند په نوم نور کوم حزب وجود نه لري او د وطن ګوند هم په مختلفو ډلو ټپلو تقسیم شویدی او هره برخه یې ځان ته خپل نوم او مشران لري . له بلې خوا نوموړی ګوند تروریستي اهداف نه تعقیبول . ټالبان باید د خپل دښمنانو په پیژندلو کې هوښیار و اوسي .