تاند(جمعه، د حمل ۱۲ مه) د ملګرو ملتونو سرمنشي آنتونيو ګوتریش ویلي چې د افغانستان اقتصاد عملاً سقوط شوی دی.
سرمنشي دا خبره پرون د دغه نړیوال سازمان، بریتانیا، جرمني او قطر په کوربه توب افغانستان ته د مرستو د جذب په یوه غونډه کې وکړه.
یاده غونډه د سويس په جينيوا ښار کې جوړه شوې وه.
د ملګرو ملتونو سرمنشي په دې غونډه کې وويل چې د افغانستان اقتصاد عملاً سقوط شوی او له منځه تللی، ۹۵ سلنه خلک یې کاففي خواړه نه لري او ۹ ميليونه يې له بالقوه قحطۍ څخه ځوریږي.
د ملګرو ملتونو سرمنشي له نړیوالو غوښتي چې د دې ستونزې د حل لپاره له افغانستان سره ژر او عاجلې مرستې وکړي.
ملګروملتو په دې اړه د ۴٫۴ میلیارده ډالره مرسته غوښتې وه چې چې مرستندویو هیوادونو ۲ اعشاریه ۴۴ ملیارد ډالره ومنله.