تاند:(يکشنبه، د حوت ۱۵ مه) د ټولنیزې فعالې او ممثلې ندیمې کورنۍ او خپلوانو ویلي چې نوموړې له څه مودې راهيسې په کابل کې د طالبانو د جنګياليو له لوري نیول شوې او نادرکه ده.
نوموړې، چې په پتینګړه کاکۍ مشهوره وه، اصلا د خوست ولايت اوسيدونکې ده او ډېر ژوند یې په اروپايي هېوادونو کې تېر شوی.
نوموړې له څو کلونو راهيسې د افغانستان په یو شمېر پښتنو سيمو کې له ښځو سره د مرستې او د پښتني کولتور د غوړیدو لپاره فعالیتونه کول.
طالبانو د نوموړې د نیول کیدو په اړه رسنيو ته څه نه دي ویلي.
په ټولنیزو رسنیو کې د ندیمې د خوشې کیدو لپاره کمپاین هم ترسره شوی دی.