تاند:(پنجشنبه، د حوت ۱۲مه) په ننګرهار ولایت کې د نرګس ګل مشاعره نن د دې ولايت د اطلاعاتو او کلتور رياست له لوري تر سره شوه.
د طالبانو د اطلاعاتو او کلتور رياست ويلي، چې په دې مشاعره کې د طالبانو ځايي مسئولانو، فرهنګيانو، شاعرانو، ليکوالانو، د ادبي بهيرونو غړو او عامو خلکو ګډون کړی و.
په ننګرهار کې د طالبانو د اطلاعاتو کلتور رئيس قاري نور محمد حنيف په دې مشاعره کې ويلي، چې اوس د دې وخت دی ترڅو د شعر او ادب په ژبه د طالبانو د حکومت ملاتړ، يووالي او د هېواد ابادۍ ته کار وشي.
نوموړي وويل، چې هڅه کوي ترڅو په دې ولايت کې د فرهنګ او ادب په برخه کې بېلابېل مناسبتي پروګرامونه په خپل وخت تر سره کړي.
د طالبانو دغه چارواکي پر ځوانانو غږ کړی، چې د افغاني کلتور په ساتنې او بډاينې کې هڅې وکړي.
همدا راز يې ليکوالو او فرهنګيانو ته د همکارۍ او همغږۍ ډاډ ورکړی.
د ننګرهار د اطلاعاتو او کلتور رياست وايي، چې د دې مشاعرې پر مهال ګڼ شمېر شاعرانو نرګس ګل ته چمتو کړي، د سولې، يووالي او هېواد ابادۍ شعرونه زمزمه کړل.
ما د رحمان بابا او خوشحال خان خټک پرته د هیڅ کوم بل شاعر اشعار په شوق او ذوق نه دی لوستی
خو
که
د تیمورشاه ابدالی څخه بیا تر نن ورځی پوری د ټولو حُکامو او حاکمیتونو په اړه د درباری اشعارو کلیکسون تدوین او چاپ سی نو د یو کاغذی یا دیجیتالی موزیم حیثیت به ولری یا په بله ژبه د خښم او تعجب یوه مجموعه او یا په بله ژبه د تناقضاتو او کرائی افکارو یو مست سیند به وی.
خدای دی د وروستیو سلو کلونو ټول رسمی او غیر رسمی، درباری او غارنشبن شاعران وبخښی، که همدا نن ورځ سر را پورته او د سیاسی – درباری اشعارو د سیند ننداره وکړی نو یقیناً چی هر یو به ئې ددې خندوونکی او ژړوونکی وضعیت په هکله دوه سوه بیتیزه قصیده وږغوی او وغږوی.
د بده مرغه نه یوازی شاعران بلکه اکثره هنرمندان ( خصوصاً ښار میشتو هنرمندانو ) سلیقه د حاکمیتونو د اجبار په ساطور چاک سوېده.
نو عرض می دا دئ ( البته په طول او تول کی ) چی:
طالب جان باید د تاریخ تېره او تیز او بې رحمه غاښونه پخپل ذهن کی مجسم کړی او دا توَهم ته تسلیم نه سی چی ګواکی د یو څو شاعرانو څرګندونی ( کوم چی د جبر له مخی د طالب د رژیم ستاینه کوی ) د حاکم وضعیت د مشروعیت په معنی وی.