تاند: ( پنجشنبه، د کب پینځمه) د طالبانو یو پلاوی، چې د اطلاعاتو او فرهنګ، ښار جوړونې، کلیو او پراختیا وزارتونو او یونیسکو سازمان استازي پکې موجود وو، په غور کې د جام منار وضعيت له نيږدې ارزولی دی.
د طالبانو د اطلاعاتو او فرهنګ وزارت د تاريخي آبداتو رييس عبدالاحد عباسي ویلي، چې د دې سفر پر مهال يې د طالبانو د غور والي مولوي امین الله شریفي او يو شمېر نورو چارواکو سره لیدلي.
نوموړي یاد شوی منار د هېواد يوه مهمه فرهنګي شتمني ګڼلې او ويلي، چې د نړیدو د مخنيوي لپاره یې ځینې ګامونه اخيستل شوي او نور به هم واخيستل شي.
په وروستيو کې په غور کې د درنو سېلاوونو له راوتو سره د یاد شوي منار د نړیدو اندیښنې زیاتې شوې وې او مختلفو نړیوالو سازمانونو ورته د پاملرنې غوښتنه کړې وه.
د تاريخ ساتل د ناموس ساتل دي دغه نيکمرغه کار ده ❤️?