تاند: ( چار شنبه ، د دلوې اووه ویشتمه) د طالبانو د کورنيو چارو وزارت وايي، چې امنيتي ځواکونو يې نن د کابل ښار په پلچرخي دروازه کې د حميد او توحيد په نامه دوه تنه اختطافګر ونيول.
سرچينه زياتوي، چې يادو اختطافګرو د ذکرالله په نوم يو ماشوم له تورخم څخه راتښتولی وو او غوښتل يې چې ايران ته يې انتقال کړي.
د طالبانو د کورنيو چارو وزارت د نيول شويو کسانو ویډیو هم خپره کړې، چې دوی پکې پر خپل جرم اعتراف کړی.
په وروستيو کې د کابل په ګډون د افغانستان له مختلفو سيمو څخه د انسان تښتونې د پیښو د زیاتوالي خبرونه ورکړل شوي وو.
طالبانو ویلي، چې د انسان تښوونکو په نیولو پسې دي او په دې برخه کې ښې لاسته راوړنې لري.