تاند: ( دوشنبه ، د دلوې پینځه ویشتمه) د فبرورۍ څوارلسمه ( د ولنټاین) يا مېنانو ورځ نن د نورو کلونو په شان بيا په کابل کې نمانځل کېده، خو طالبانو يې ممانعت کړی دی.
نن سهار په ټولنیزو رسنیو کې د کابل ښار د درېیمې ناحېې اړوند له پل سرخ سیمې څخه د لويې لارې پر سر د ولنټاین د پوکڼیو او نورو نښو د نصبولو عکسونه خپاره شوي وو.
له دغو عکسونو څخه څو ساعته وروسته خپرو شويو عکسونو څرګنده کړه، چې د طالبانو ځواکونو د ولنټاین لګول شوې نښې له منځه وړي او د مېنانو ورځې د نمانځلو ممانعت یې کړی.
ځایي خلکو ويلي، چې طالبانو د دې ممانعت دليل د غربي فرهنګ پر وړاندې مخالفت ښودلی.
طالبانو د یادې ورځې نمانځنه د غربي فرهنګ تقلید ګڼلی، خو چارواکو او وياندويانو یې د يادې ورځې د ممانعت په اړه په ښکاره څه نه دي ويلي.
د ټولنيزو رسنيو یو شمېر فعالانو غ طالبانو دا کار نقد کړی او ځینو یې هرکلی کړی دی.
تر څو به دا زور واکی او بدمعاشی وی؟ لنډغر ورک شول ځای ډاکوانو ونیوو.
ښه يې کړي افغان ولس له لوږې او د نړيوال امپرياليزم له خوا ورنه ددوۍ د خولې ګوله اخيستله کيږي خو ځيني د غرب غلامان خيټه ماران غربي خباثتونه لمانځي. ?