تاند (پنجشنبه/د دلوې ۲۱مه) د پاکستان د پوځ لوی درستېز جنرال قمر جاوېد باجوه تایید کړه چې په بلوچستان کې د تېرې اونۍ په دوه مرګونو بریدونو کې یې ۱۹۰ پوځيان وژل شوي دي.
دغه پېښې د بلوچستان په پنجګور او نوشکي سیمو کې وشولې چې یوې یې له کنټرولېدلو څخه مخکې ان تر ۷۴ ساعتونو پورې دوام وموند.
تاند ته په رسېدلې یوه لیک کې، چې د پاکستان لوی درستېز د خپل هېواد لومړي وزیر ته لیکلی، د وژل شویو پوځیانو کورنیو ته تسلیت وړاندې کړی او د هغوی د کورنیو لپاره یې د مرستو غوښتنه کړې ده.
په لیک کې چې د ۲۰۲۲ د فبرورۍ په ۷مه لیکل شوی او د بلوچستان د ازادي غوښتونکو په خپلو ټولنیزو رسنیو خپور کړی، راغلي چې د پاکستان پوځ په نوشکي او پنجګور کې وژل شویو ۱۹۰ پوځیانو ته چې په لیک کې شهیدان بلل شوي د درناوي مراتب وړاندې کوي او له لومړي وزیر څخه غواړي چې د هغوی د کورنیو لپاره دې اجوره اعلان کړای شي.
ویل کیږي چې د پاکستان پوځ او استخبارات له لسیزو راهیسې د خپلو ګاونډیانو؛ افغانستان او هندوستان او دغه راز د ایران پر وړاندې د هرې هغې وسله والې ډلې ملاتړ کوي او روزنه ورکوي چې د خپلو مرکزي حکومتونو پر ضد جنګ کوي.
د بلوچستان ازادي غوښتونکو په یوه اعلامیه کې ویلي وو چې وروستي بریدونه یې د ۱۶ ځانمرګو په وسیله ترسره کړي او ۱۸۰ تنه پاکستاني پوځیان یې وژلي خو هغه وخت پاکستاني مقاماتو دا شمېر یوازې ۱۲ تنه یاد کړی وو.
دغسې خبرونه خپروئ. تاسو په طالبانو پسې راخیستې ده. وخت ورکړئ او ورو ورو به هرڅه ښه شي. مننه
شه يي كري دي.
وائي مکوه په چا ، چی دربه شي په تا،
انشآلله چې زموږ د مظلومو خلکو د وينو بدل به لوی خدای له پنجابي نظاميانو واخلي