تاند: ( چار شنبه ، د دلوې ديارلسمه) د طالبانو د ليکو د
د تصفیې کمېسیون په دايکندي ولايت کې د نیلي ښاروال احمد خان په ګډون پنځه تنه د رشوت اخېستو په تور له دندې ګوښه کړل.
دغه کميسيون په يوه اعلاميه کې په دې اړه نور جزییات نه دي ورکړي، خو ویلي چې دوی تر پرون ماښامه ۴ زره ۹۶ تنه د طالبانو له لیکو وېستي دي.
دا لومړی ځل دی، چې طالبان د یوه ښاروال په کچه خپل یو لوړپوړی مقام د بډې اخيستو په تور له دندې ګوښه کوي.
معلومه نه ده، چې له ګوښه کیدو پرته به طالبان د خپل دغه چارواکي له برخلیک سره څه کوي؟
ګوښه شوي ښاروال په دې اړه رسنيو ته څه نه دي ويلي.