تاند: ( سې شنبه، د دلوې پینځمه) په داسې حال کې، چې د طالبانو تر واک لاندې باختر خبري اژانس په ضمني ډول روسیې ته د لوړ پوړي طالب پلاوي د سفر خبر رد کړی، خو د طالبانو د دفاع وزارت یوه سرچینه تاند وېبپاڼې ته د دې سفر د ترسره کيدو تایید کوي.
باختر اژانس پرون خبر ورکړ، چې د طالبانو د دفاع وزیر ملا یعقوب مجاهد کندوز ته تللی او د طالبانو له قول اردو څخه یې لیدنه کړې ده.
طالب وياندويانو رسمآ نه ده رد کړې، چې د طالبانو د رییس الوزرا د لومړي مرستيال ملا برادر په مشرۍ د دوی پلاوی مسکو ته نه دی تللی، خو د افغانستان لپاره د روسیې ځانګړي استازي ضمير کابلوف مسکو ته د طالبانو او پنجشير مقاومت ډلې د مشرانو سفر رد کړ.
د طالبانو د دفاع وزارت یوه سرچینه تاند وېبپاڼې ته وايي، چې ملا یعقوب مجاهد روسیې ته په سفر تللی، خو دا سرچينه د سفر له نورو جزییاتو او د پلاوي د نورو غړو په اړه ناخبري ښيي.
د طالبانو يوه مطبوعاتي سرچينه، چې د موضوع د حساسيت له کبله نه غواړي نوم یې واخیستل شي، د ملا برادر په مشرۍ روسیې ته د دوی د پلاوي سفر تاييدوي.
نوموړی وايي، چې په کابل کې د ملا برادر او دغه راز د بهرنيو چارو وزارت د سياسي مرستيال عباس ستانکزي د نه موجوديت له کبله پرون د کابل په سفر راغلي د جاپان سفیر له نوموړو سره ونه لیدی شول.
روسيې ته د دغه طالب پلاوي د سفر افشاګري پرون د افغانستان د ملي امنيت پخواني رئيس رحمت الله نبیل وکړه.
نورو سرچينو بیا وویل، چې د پنجشېر مقاومت ډلې څو مشران: امرالله صالح، احمد مسعود او صلاح الدين رباني هم مسکو ته رسیدلي، څو د روسیې په منځګړتوب د ګډ حکومت جوړولو لپاره مذاکرات وکړي.
روسيې بيا دا څرګندونې رد کړي دي.
هر څوک چې پر داسې درواغو کې لاس لري هغه د پښتنو دوښمنان دي !