تاند:( دوشنبه، د دلوې څلورمه) د طالبانو د امر بالمعروف وزارت له دوی غوښتي، چې خپلې لیکې د کم عمره کسانو له ګډون څخه تصفيه کړي.
د طالبانو د دغه وزارت د منکراتو رييس مولوي راز محمد رئیس ازاله دا غوښتنه د طالبانو د دارالامان لېوا له یوه کنډک څخه د لیدنې پر وخت کړې ده.
نوموړي دا هم ويلي، چې د دوی وزارت به له دې پلوه د طالبانو د ليکو د تصفيې په برخه کې ګامونه واخلي.
د طالبانو په لیکو کې د کم عمره کسانو موجوديت له پخوا څخه د يوې ستونزې په توګه يادېده.
معلومه نه ده، کې دوی په کوم شمېر کم عمره کسان په خپلو لیکو کې شامل کړي.
په جنګي لیکو کې د کم عمره کسانو په ګډون له دې کبله هم په نړیواله کچه نیوکې کیږي، چې ناوړه جنسي استفاده ورڅخه کیږي.