تاند:( يکشنبه، د دلوې درېيمه) ځایي سرچينو ويلي، چې په تخار کې د طالبانو يو مشهور قومندان ګلبدين مشهور په صداقت نن د ناپېژاندو وسله والو کسانو په ډزو ووژل شو.
ويل شوي، چې دا پېښه نن د تخار ولايت په مرکز تالقان ښار کې رامنځته شوې ده.
د دغې پېښې دليل روښانه نه دی او مسووليت يې هم چا پر غاړه نه دی اخیستی.
طالبانو په دې اړه څه نه دي ويلي.
په وروستيو کې له شمالي او نورو ولايتونو څخه د واک او امتيازاتو پر سر د طالبانو د خپلمنځیو اختلافونو او وسله والو نښتو راپورونه هم زیات شوي دي.