تاند:( سې شنبه، د جدي اته ویشتمه) د افغانستان د بیان ازادۍ کور له هغې وروسته، چې د ژورناليستانو ملي ټولنې په افغانستان کې د څه باندې ۹۰ سلنه رسنيو د استقلالیت ختمیدو اعلان وکړ، د طالبانو پر استخباراتي ادارې توند تورونه لګولي.
دغه اداره وايي: د طالبانو استخبارات خبریالان او رسنۍ تر فشار لاندې راولي، سانسوروي یې او هڅه کوي د افغانستان ټولې ازادې رسنۍ پر خپل تبلیغاتي پلټفارم بدلې کړي.
د سرچينې په حواله، په دې برخه کې د طالبانو استخبارات تر یوې کچې بریالي شوي ځکه له زور، ګواښ او فشار استفاده کوي.
په دې اړه په خپره شوې اعلامیه کې ادعا شوې، چې د طالبانو استخباراتي استازي د رسنیو نیوز روم ته ځي، امر او نهي کوي او وايي: تاسې زموږ تر حاکمیت لاندې فعاليت کوئ، زموږ په خوښه نشرات به کوئ.
طالبانو په دې اړه ادعاوو ته غبرګون نه دی ښودلی.
د افغانستان د څو ټلويزيوني بحثونو چلوونکو د نوم نه خپريدو په شرط تاند ته وويل، چې د طالبانو استخباراتي ادارې څو ځلې احضار کړي او د انتقادي پوښتنو له کبله یې ګواښلي.
ډیرښه کاریی کړیدی
په تیرشل کلن دوران کی دبیان ازادی دافغانستان ددولت داصلاحاتو دکړنوسترموانع وو
دبیان ازادی فقطدافغانستان دبی ثباتۍ لپاره دغربیانولخواپکارول شوی ده