تاند:( دوشنبه، د جدي اووه ویشتمه) د طالبانو حکومت وايي، چې د استخباراتو ځانګړې قطعې يې د میدان وردګو په بهسودو ولسوالۍ کې د نا مسووله وسله وال قوماندان علي پور د وسلو او مهماتو دوه پټنځایونه کشف کړي دي.
سرچينې زياته کړې، چې له دغو پټنځايونو څخه يوه اندازه سپکې او درنې وسلې، يو پوځي موټرسايکل، کمرې، لاسي بمونه، په زرګونو مرمۍ او مهمات ترلاسه شوي دي.
طالبانو مخکې هم د عليپور د وسلو د زېرمو د کشفولو خبر ورکړی و.
عبدالغني عليپور په میدان وردګو کې د هزاره وسله والو یو مشهور قومندان و، چې په ډېرو قانون ماتونو او وژنو تورن و.