تاند:( شنبه، د جدي پینځه ویشتمه) په نیمروز کې د طالبانو د حکومت ځایي چارواکي وايي چې یو لس کلن ماشوم یې د انسان تښتوونکو له منګولو آزاد کړ.
باختر اژانس په دې اړه نور جزییات نه دي ورکړي، خو د ژغورل شوي ماشوم عکس يې خپور کړی.
طالبانو پرون د اختطافګرو له منګولو په کابل کې د افغانستان د تکواندو فدراسيون د رييس او مشهور عصبي جراح ډاکټر نجيب الله سکندر او په هرات کې د يوه بل تښتول شوي کس د خلاصون خبر هم ورکړی و
د طالبانو له واکمنیدو سره په افغانستان کې د انسان تښتونې د پیښو د زیاتوالي راپورونه ورکړل شوي.
طالبانو بيا د ډېرو تښتول شويو کسانو د بيرته خلاصون او اختطافګرو د نیول کیدو خبر ورکړی.
اوج ته رسېدلی اقتصادي او بشري ناورين، شديده بې کاري او د طالبانو په امنيتي ځواکونو کې د مسلکي کادرونو کمښت د دغه وضعيت اصلي لاملونه ګڼل کېږي.