تاند:( پنجشنبه، د جدي در ويشتمه) خبري سرچینې وايي، چې طالبانو په فراه ولایت کې یو کاناډایي وګړی نیولی او بندي کړی دی.
د دغه کس نوم، فراه ته د ورتلو هدف او نور جزییات نه دي په ډاګه شوي.
ويل کېږي، چې هغه مخکې له نړیوالو ایتلافي ځواکونو سره په افغانستان کې د قراردادي کارکوونکي په توګه دنده ترسره کړې وه.
سرچينې وايي، چې هغه افغانستان ته د راتلو ويزه په پېښور کې تر لاسه کړې او پنجشير، بامیان، فارياب، بادغيس او هرات ولايتونو ته هم سفرونه کړي وو.
طالبانو په دې اړه رسنيو ته څه نه دي ويلي.
دا لومړی ځل دی، چې د طالبانو له واکمنۍ وروسته افغانستان ته د داسې یوه لویدیځ هېواد د وګړي د مرموز سفر او د نیول کیدو خبر یې خپریږي.