تاند:( پنجشنبه، د جدي در ويشتمه) د کابل ښار په مختلفو برخو کې پرون د طالبانو پر جنګياليو درې بېلابېلې چاودنې شوي.
لومړنۍ چاودنه د کابل ښار د نهمې امنیتي حوزې اړوند په یکه توت سیمه کې د طالبانو پر يوه رينجر موټر شوې، چې یو طالب سرتیری پکې وژل شوی او دوه نور ټپيان دي.
طالبانو بيا په چاودنه کې د خپلو دوو جنګياليو ټپي کیدل تایید کړي.
له لومړۍ چاودنې څخه وروسته پرون ماسخوتن د کابل ښار په سلیم کاروان سیمه کې د طالبانو پر دوو نورو موټرو هم چاودنې شوي.
سرچینو د دغو چاودنو د زيانونو په اړه څه نه دي ويلي.
ويل شوي، چې دويمه چاودنه له لومړۍ چاودنې څخه وروسته د طالبانو پر تجمع شوې ده.
طالبانو د سلیم کاروان سیمې د چاودنو په اړه څه نه دي ويلي.
د يادو چاودنو مسوولیت تراوسه چا په غاړه نه دی اخیستی.
د دريمې چاودنې معلومات مو ندي خپاره کړي