تاند:( يکشنبه، د جدي نولسمه) راپورونه وايي، چې نن ماسخوتن مهال د کابل ښار د پینځمې امنيتي حوزې اړوند د څو درنو چاودنو او ډزو غږونه اورېدل شوي دي.
د سیمې یو شمېر اوسیدونکو دا هم ويلي، چې د ملي پوليسو مخکينۍ اکاډمۍ ته څیرمه په خوشال خان مېنه کې د يو شمېر راکټونو د لګيدو شاهدان هم وو.
ځینو خبري سرچينو په دې سيمه کې د داعش ډلې د برید خبر ورکړی، خو دا خبر تایید شوی نه دی.
په ټولنیزو رسنیو کې یو شمېر فعالانو بیا له خيرخانې او کارته پروان سيمو څخه د ډزو خبرونه ورکړي.
د طالبانو امنيتي چارواکو په دې اړه رسنيو ته څه نه دي ويلي.