په سویډن کې «فردا»کلتوري کلوب د اپریل په ۳۰ مه (د ۴۰۱ د ثور ۱۰) د اکرم عثمان په نوم د لنډو کیسو ځانګړی ادبي فیستوال جوړوي.

دا کلوب له لیکوالو په ځانګړي ډول د لنډو کیسو له لیکوالو غواړي چې خپلې کیسې دې سیالۍ ته ورولیږي.

د فیستوال مدیریت په سیالۍ کې د ګډون لپاره دا شرایط ټاکلي دي:

• کیسه باید د ۲۰۲۲ د فبرورۍ تر ۱۵ پورې د فیستوال ادارې ته ورسېږي.
• لیکوال دې دوې کیسې (پښتو یا دري) ولیږي.
• کیسه دې په ورډ کې لیکل شوې وي او په اټچمینت کې دې ([email protected]) ایمیل ته ولیږل شي.
• د لیکوال نوم، د زوکړې ځای، د زوکړې نېټه، زده کړې، بریښنلیک، د ټېلفون شمېره، او د هستوګنې ادرس ولیکل شي.