تاند: ( جمعه، د جدي اوولسمه) پاکستاني رسنۍ وايي، چې د هېواد د ملي امنيت سلاکار يې معيد يوسف د يوه لوړپوړي پلاوي په مشرۍ کابل ته په سفر راځي، څو د طالبانو له حکومت سره د خپلو تعاملاتو پر زياتوالي خبرې وکړي.
ويل کيږي، چې په دې پلاوي کې د پاکستان يو شمېر وزیران برخه لري.
د دغه سفر د ترسره کيدو او مشخصې اجنډا په اړه ډېر جزییات نه دي ورکړل شوي.
ځینې نورې رسنۍ بیا د سفر اصلي هدف د ډیورنډ کرښې په اوږدو کې د پاکستان د اغزن تار لګولو په اړه د طالبانو او پاکستان ترمنځ وروستۍ ناندرۍ ګڼي.
طالبانو د دغه سفر په اړه څه نه دي ويلي.
پاکستان سره له دې، چې د طالبانو تر ټولو اساسي متحد او ملاتړی دی، خو د دوی واکمني يې په رسميت نه ده پېژندلې.
پاکستاني چارواکو ويلي، چې د طالبانو د واکمنۍ د په رسميت پېژندلو لپاره به نورې نړۍ سره په مشوره او هم مهاله توګه اقدام وکړي.