تاند: ( سې شنبه، د جدي څوارلسمه) د طالبانو د کورنيو چارو وزارت وايي، چې په کابل ښار کې یې د انسان تښوونکو یوه ۷ کسیزه ډله نیولې ده.
د وزارت په يوه اعلاميه کې راغلي، چې دغه اختطافګر د کابل ښار په پینځلسمه حوزه کې نیول شوي دي.
سرچينې ويلي، چې نیول شویو کسانو په لومړنيو څېړنو کې خپل جرمونه منلي دي.
طالبانو د نیول شویو دغو کسانو یوه ویډیو هم خپره کړې ده.
په وروستيو کې په کابل کې د انسان تښوونکو د زیاتیدو او دغو کسانو د نیول کیدو خبرونه زیات شوي.
طالبان د هېواد د بشپړ امنيت د تامينولو ادعا لري، خو کتونکي وايي چې د دوی د واکمنۍ له پیل او د اقتصادي او بشري ناورين له شدت سره د جنايي جرمونو کچه لوړه شوې ده.