تاند:( دوشنبه، د جدي شپږمه) د کندهار ښار د شیعیانو په یوه جومات کې پرون ماسپښین یوه کس څلور لمونځ کوونکي د چاقو په ګوزارونو زخمیان کړي دي.
د کندهار امنیتي چارواکي وايي، چې بریدګر یې نیولی دی.
دوی د بریدګر هویت نه دی ښودلی او د پېښې انګيزه نه ده معلومه.
د پېښې مسووليت کومې ډلې په غاړه نه دی اخیستی.
دا د طالبانو له واکمنیدو سره په کندهار کې دویم ځل دی، چې د شيعه ګانو پر جومات برید کیږي.
لومړی برید څو مياشتې مخکې څو ځانمرګو د جمعې ورځې د لمانځلو پر مهال وکړ، چې سلګونه لمونځ کوونکو ته یې مرګ ژوبله واړوله.
د هغه برید مسؤولیت داعش ډلې پر غاړه اخيستی و.