تاند:( شنبه ، د قوس اووه ویشتمه) د کابل ښار د دويمې حوزې اړوند په برکي څلور لارې کې نن ماښام د يوې چاودنې غږ اوریدل شوی.
د طالبانو د کورنيو چارو وزارت ويلي، چې دغه چاودنه په یوه موټر کې د ګاز ډبې له کبله رامنځته شوې ژ چې پکې یو ملکي وګړی وژل شوی او درې نور ټپیان شوي دي.
خپلواکو سرچینو په دې اړه څه نه دي ويلي.
په کابل ښار کې له څو ورځو راهيسې بيا د چاودنو او مرګونو خبرونه زيات شوي.
پرون د کابل ښار په کارته پروان سيمه کې پر مشهور ديني عالم مولوي عبدالسلام عابد چاودنه شوې وه ژ چې د هغه تر څنګ ۳ تنه نور يې ټپيان کړي وو.
نن د کابل د عربي دارالعلوم آمر مولوي بسم الله شاکر د کابل ښار په اوولسمه ناحیه کې ناڅرګندو وسله والو په ډزو وواژه.