دا د پوستکي یوه عامه ناروغي ده، په افغانستان او پاکستان کې به داسې څوګ نه وي چې پخپل ژوندانه کې پرې یو ځل نه وي اخته سوی.
علتونه:
په ماشومانو کې د دې ناروغۍ لامل د خېټې جنجي دی.
په لویانو کې د وینې خرابي، د ځینو کسانو د خوړو ګرد، له سړې هوا او ځینې نورو څیزونو سره د حساسیت درلودل او کله کله ځینو نامعلومو عواملو له کبله هم پیدا کېږي.
نښې_نښانې:
په بدن باندې د وړو وړو دانو په بڼه لکه د جوارو دانې راخېژي. ډېر سخت خارښت کوي او سوځي، کله د بدن په یوې برخې او کله پر ټول بدن راخېژي، کله کله یو له بل سره لرې واقع وي او کله کله د انګورو د وږې په بڼه ګڼې او له یو بل سره نښتې وي لړمې له ۲ څخه تر ۶ ساعتونو پورې دوام کوي او بیا پخپله ورکېږي، لږه شېبه وروسته بیا راپیداکېږي. کله کله تر درو ورځو ان څو ورځو پورې دوام کوي او تبه هم ورسره وي.
درملنه:
د دې ناروغۍ لپاره Tab. Inj. Avil یا Inj. Tab. Tovagyl یا انټي هسټامین درمل (ګولۍ) ډېر ګټور دي. د ماشومانو لپاره په کم مقدار او د لویانو ته یوه پیچکاري یا د ورځې ۳ ګولۍ ورکړئ. د پرله پسې لړمیو لپاره ناروغ ته Inj. Calcium candoz په اونۍ کې دوه ځلۍ د ورید له لارې ورو ورو ولګوئ له پینځو شپږو پیچکارو سره ناروغ رغېږي. کومه لړمې چې یو ناڅاپه او له دوا سره د حساسیت له امله پیدا سي نو ناروغ ته فوري Inj. Adrenalin د جلد لاندې ورو ورو ولګوئ له سره ورته Inj. Decadron هم پیچکاري کړئ.
احتیاط: ناروغ چې له کوم څیز سره حساسیت لري له هغې دې ځان په کلکه وساتي.