تاند ( چهارشنبه د لیندۍ/ قوس ۷مه) د پاکستان پلازمېنه اسلام اباد کې د پخواني لومړي وزیر عمران خان پلویانو لاریون د امنیتي ځواکونو په ډزو وپاشل شو.
په ټولنیزو رسنیو کې لاس په لاس کېدونکو ویډیوګانو کې ښکاري چې د اسلام اباد ډي چوک کې پر لاریون کوونکو امنیتي ځواکونه ډزې کوي، او لاریون کوونکي د ځان ژغورنې په موخه پاشل کېږي.
اسلام اباد ډي چوک کې د تحریک انصاف ګوند پلویانو مرکزي کانټینر هم سوځول شوی دی.
د امنیتي ځواکونو له لورې تېره شپه پر لاریون کوونکو مخامخ ډزو کې لسګونو کسانو ته مرګ ژوبله اوښتې، او لسګونه نور نیول شوي دي.
بلخوا د تحریک انصاف ګوند اعلان کړی، تر هغې چې د دې ګوند مشر عمران خان ازاد او غوښتنې یې ونه منل شي خپلو لاریونونو ته به دوام ورکړي.
پروردګار دي تاند په همداسي له زېري ډکو خبرونو کي تل تاند لري! امین!