تاند (جمعه، د قوس ۱۹مه) د ایټالیا حکومت پرون (پنجشنبه) امازون پر مارکیټ د حاکمیت د ټینګولو لپاره د ناوړه استفادې په خاطر یو ملیارد او ۱۳ ملیون یورو (یو ملیون او ۲۸ ملیون ډالره) جریمه کړ.
د سي این بي سي د راپور له مخې، د ایټالیا د مقرراتو د څار ادارې (Autorità Garante della Concorrenza e del Mercato) وویل چې امازون په الیکترونیکي لوژیستیکي خدماتو کې خپلو سیالانو ته زیان اړولی دی.
خو امازون وویل چې د ایټالیا د مقررو د ادارې له پرېکړې او جریمې سره هیڅ موافق نه دی او غواړي چې محکمې ته مراجعه وکړي.
د امازون ویندوی سي این بي سي تلویزیون ته وویل «زموږ لپاره ټاکل شوې جریمه او پرېکړه نامنصفانه ده او نامناسبه ده.»