تاند- لیکوال، څېړونکی، ژبپوه او د کابل پوهنتون پخوانی استاد ډاکټر عبدالرزاق پالوال وفات شو.
استاد پالوال له یوې اوږدې مودې راهیسې ناروغ و. ډاکتر پالوال په خپل برکتي ژوند کې ډېر اثار پنځولي چې ځینې یې دا دي:
۱- د پښتنو نوی او پخوانی تاریخ (لومړی ټوک، په انگلیسي ژبه او د ويم ټوک په پښتو ژبه).
۲- د پښتو نوی مصدر، د ۱۳۸۴ لمریز کال چاپ.
۳- د شاه مقصود زیارت او د هغه تاریخي ارزښت.
۴- د کالام تاریخ (له انگلیسي څخه ژباړه).
۵- معیاري پښتو.
۶- موږ محوه کیږو.
۷- وگړي دوزخیان دي، سړیان لا هم.
ډاکتر پالوال د ګڼو اثارو د پنځولو ترڅنګ په پوهنتون کې ډېر محصلان هم روزلي دي.