تاند- د بریتانیا پولیس د یوه افغان ماشوم د موندلو په لټه کې دي چې ۱۱ کلن دی او له ۲۴ ساعتونو راهیسې ورک دی.
بریتانیايي رسنیو نن لیکلي دا ماشوم، چې محمدخان نومېږي، څه کم یوه میاشت وړاندې بریتانیا ته راغلی و.
د محمدخان په اړه دغه راز ویل شوي چې په پښتو ژبه خبرې کوي او یوازې څو ټکي انګلیسي ویلی شي.
نوموړی د سې شنبې د مازدیګر په ۴ بجې د لیويشم په دیپفورډ کې هغه مهال لیدل شوی چې یوه پارک ته د فوټبال لپاره روان و.
پولیس وايي په شاوخوا ځایونو کې یې لټون بیل کړی دی.