تاند(یکشنبه، د عقرب ۳۰ مه) چین وايي، افغانستان ته یې په یوه رېلګاډي کې تر زر ټنه ډېره بشري مرسته ته ولېږله.
د چینايي رسنیو د راپور له مخې، پرون (شنبه) د دغه هیواد د شین جین د نیمه خپلواکې سیمې د ارومچي د رېلګاډو له تمځي ۱۰۰۰ ټنه بشري مرسته په رېلګاډي کې د افغانستان په لور واستول شوه.
د راپور له مخې، دا مرسته به په ۱۲ ورځو کې د افغانستان مزارشریف ښار ته ورسېږي.
چینايي چارواکي وايي چې د روان کال د جولای له میاشتې دغه هیواد افغانستان ته تر ۲۶۰۰ ټنه زیاته بشري مرسته او تجارتي وسایل لېږلي دي.
د افغانستان او چین ترمنځ د رېلګاډي په وسیله سوداګري د افغانستان د جمهوري حکومت په مهال پیل شوه.
چین د طالبانو د حکومت په لومړیو ورځو کې د ۲۱ ملیون ډالرو په ارزښت د بشري مرستو ژمنه وکړه.