تاند – یوه روسۍ متخصصه وايي چې د میمزو خوړل نه یوازې د وینې کلسترول کموي بلکې د انسان د وینې جریان ښه کوي.
د ریانوویستي خبري اژانس د راپور له مخې، د تغذیې د چارو متخصصه انا ملیخانیا خلکو ته سپارښتنه کوي چې که کولی شي هره ورځ دې لږ څه میمز خوري ځکه چې د ورځې د ۲۵ ګرامه میمزو خوړل د انسان په روغتیا حیرانوونکې اغېزې لرلی شي.
د اغلې ملیخانیا په وینا، میمز داسې فلونوییدونه لري چې انټي اکسیډنټ خاصیت لري او دا د وینې کلسترول کموي او د وینو د رګونو ارتجاعي خاصیت ښه کوي چې په نتیجه کې یې د زړه د رګونو د بندېدو مخه نیول کېږي.
دا روسۍ متخصصه باور لري چې د سرو انګورو میمز یا سره میمز تر شنو هغو زیات انټي اکسیډنټ لري.
دا وايي، که همداسې میمز نه شئ خوړلی په نورو خوراکونو کې یې ګډ کړئ.
د میمزو زیات خوړل د اسهال او خوا ګرځېدو سبب کېدای شي.