تاند:( جمعه، د عقرب يوويشتمه) د بې واکه شوي ولسمشر محمد اشرف غني لومړي مرستيال امرالله صالح د طالب ضد مقاومت له هڅولو سره ويلي، چې مبارزین دې د ارتباطي وسيلو د څار له اړخه طالبانو نه، نه ډاریږي.
ښاغلي صالح په خپل فیسبوک کې لیکلي، چې طالبان د واټسپ، سیګنال، وايبر، مسينجر، ایمیل او نورو ارتباطي وسايلو د څارلو وړتيا نه لري.
د صالح په وينا، طالبانو سره د ارتباطي وسيلو له ډلې يوازې د مستقیمو ټلیفوني مکالمو د څار نيمګړي امکانات موجود دي، چې هغه هم د پاکستان استخباراتو په واک کې ورکړي.
امرالله صالح خوښي ښودلې، چې له مستقيمو ټلیفوني مکالمو څخه په افغانستان کې لږه استفاده تر سره کیږي.
د ده په وينا، د پاکستان په ګډون که هر هېواد طالبانو ته د ارتباطي وسايلو د څارلو امکانات مساعد هم کړي، سمدستي به دوی ترې ګټه وانخيستلی شي.
صالح زیاتوي، چې له دې کبله بايد د طالبانو مخالف مبارزین په دې ونه ډار شي، چې اړيکې به يې وڅارل شي.
هغه سپارښتنه کړې، چې دغه مبارزین دې د پیغامونو له تبادلې وروسته پیغامونه له منځه یوسي.
د امرالله صالح د معلوماتو له مخې، طالبان د خپلو کشفي وړتیاوو په اړه مبالغه کوي او په دې توګه غواړي خلک د خپلو ظلمونو له رسنيز کولو وډاروي.
د صالح په وينا، په دې برخه کې طالبانو سره د پاکستان له مرستې هم انديښنه نه ده په کار، ځکه هغه هېواد خپله هم د ټیکنالوژۍ د کنټرول او مهارولو په برخه کې ګڼو ستونزو سره مخامخ دی.
صالح ګله، ته به ښایی ډېر زیرنګ او خطرناک جاسو او استخباراتی شخص يې. خو دلته دي
د یوه سپوږن څوک په حیث دي ځان ښکاره کړ.