تاند(چهارشنبه، د عقرب۱۹) د کرکټ د نړیوال شل اوره جام سیالیو په لومړۍ نیمه پایلوبه کې نیوزیلنډ په حیرانوونکي ډول انګلیستان ته ماتې ورکړه.
انګلیستان د ۴ لوبغاړو د سوځېدو په بدل کې نیوزیلنډ ته ۱۶۷ منډې هدف ټاکلی و چې ډېر لوړ ښکارېده.
دې ته په پام کې د نیوزیلنډ لومړي دوه بټسمنان یا توپ وهونکي ډېر ژر او په لږ منډو وسوځېدل تر ډېرو پورې باور کېده چې دا سیالي انګلیستان ګټي خو د لوبې په وروستیو کې ټول اټکلونه ناسم ثابت شول.
نیوزیلنډ دا سیالي په ۵ ویکټونو او ۶ پاتې توپونو وګټله.
دوهمه نیمه پایلوبه به د پاکستان او استرالیا ترمنځ وي. د دوی د مسابقې په نتیجه کې ګټونکی به له نیوزیلنډ سره په پایلوبه کې مخامخ کېږي.