تاند:( دوشنبه، د عقرب اوولسمه) د افغانستان د بې واکه شوي ولسمشر محمد اشرف غني لومړي مرستيال امرالله صالح په افغانستان کې د ملګرو ملتونو لخوا د ۲۳ میلیونه وګړو د سختې لوږې د اعلان په اړه غبرګون ښودلی دی.
ښاغلي صالح پر خپلې ټویټر پاڼې لیکلي، چې طالبانو او پاکستاني ملاتړو ته يې د ۲۳ میلیونه افغانانو لوږه، خپله فتحه ښکاري.
د صالح په وينا، پاکستان همداسې افغانستان غوښت، چې خلک یې وږي او اداره يې بې رهبره وي او دا خوب یې د طالبانو په وجود کې عملي شوی.
له دې سره خوا کې، دا مشهور طالب او پاکستان ضد سياستوال خبرداری ورکوي، چې په افغانستان کې د ده په خبره د طالبانو او پاکستان دا ظلم ډېر دوام نه کوي.
د ده په وينا، د پاکستان په ملاتړ د طالبانو جوړه شوې اداره دوام نه شي کولای، پاشل کیږي او پر ضد به یې ملي مقاومت زور واخلي.
طالبانو د امرالله صالح دغو تورونو ته غبرګون نه دی ښودلی.
طالب وياندويانو په عمومي ډول، خپل مخالفین شکست خوړلي ګڼلي او ترې غوښتي، چې افغانستان ته د عادي ژوند لپاره ستانه شي، خو که څوک یې پر ضد په کوم اقدام لاس پورې کړي، وبه ځپل شي.
نن د کندهار پخواني امنيه قومندان او د طالبانو په لاس د دې ولايت د وژل شوي مشهورې طالب ضدې څېرې جنرال عبدالرازق ورور تادين خان په ننګرهار ولایت کې د طالبانو لخوا د مخکيني نظام د پلویانو زياتو شويو هدفي وژنو ته په غبرګون کې ويلي، چې پاکستان د طالب په لاس له داسې وژنو سره له ننګرهاریانو څخه د جلال اباد د تاريخي جګړې غچ اخلي.
ويل کيږي، چې په کندهار کې د تادين خان په مشرۍ هم د طالبانو خلاف وسله وال مقاومت پیل شوی.
طالبان تورن دي، چې د کندهار له نیولو وروسته يې، د تادین خان د قوم ( اڅکزیو) لسګونه مشران او ځوانان له جنرال رازق سره د قومي اړيکې په اساس وژلي، خو دوی دا تورونه ردکړي دي.
طالبانو تاسو ته شرم په کاردی. پوړني په سر کئ چي د آی ایس آی غلامان یاست!
یوه ورځ به موږ ملت د خپل ولسواک نظام لپاره پاڅون کوو موږ د پخواني دولت چارواکي هم نه یو، خو دومره پوهیږو چې پاکستان عملا افغانستان د طالبانو په مټ اشغال کړی دی. او زموږ اقتصاد، سیاست، نړیوالې اړیکې، زده کړې، نورمال ژوند، او اوس عزت او هویت له منځه لاړ، اوس د دې نه وروسته ژوند بې مانا کیږي.. ان شاء الله د یو