تاند:( دوشنبه، د عقرب لسمه) د افغانستان د بې واکه شوي ولسمشر محمد اشرف غني لومړي مرستيال امرالله صالح د طالبانو د لوی درستیز مولوي هغو خبرو ته توند غبرګون ښودلی، چې ويلي: د سردار داود خان په څلور سوه بستریز روغتون کې د افغانستان د نړیدلي پوځ د سرتېرو له جسدونو ډک کانتينر ډک پاتې دي.
ښاغلي صالح ويلي، چې دا به د هغو ټپي سرتېرو له جسدونو ډک کانتينر وي، چې طالبانو پر افغانستان له واکمنیدو وروسته وژلي دي.
د صالح په خبره، دغه سرتېري د طالبانو لخوا په ۲۰۰۱ کې په شبرغان کې د خپلو وژل شویو جنګياليو په غچ کې وژل شوي دي.
مخکيني مرستيال ولسمشر، د طالبانو دا ادعا کړی عمل بشري جنايت ګڼلی او له نړيوالو بشري ادارو يې غوښتي، چې په دې اړه څېړنې وکړي.
د صالح په وينا، په دې اړه څېړنو کې بايد بیړه وشي او تر هغې مخکې چې طالبان د خپل دغه جنايت ثبوت ورکوي، موضوع بايد سمه وڅېړل شي.
د طالبانو لوی درستیز قاري فصيح الدين پرون په بدخشان کې د شل کلنې جګړې پر مهال د وژل شويو طالب جنګياليو له کورنيو سره په ګډه غونډه کې وويل، چې طالبانو سره په جګړو کې د وژل شويو افغان جمهوري ځواکونو يو کانتينر جسدونه ورته په سردار داود خان پوځي روغتون کې پاتې، چې نه مخکينی حکومت او نه د طالبانو اداره د وژل شويو سرتېرو د کورنيو په موندلو بريالي شوي دي.
طالبانو د امرالله صالح تازه څرګندونو ته غبرګون نه دی ښودلی.