تاند، دوشنبه، د ثور ۲۹ مه: ایران نه مني چې ګواکې په خپله خاوره کې یې افغان کارګر وژلي او بیا یې سیند ته اچولې دي.
دا خبره د افغانستان د بهرنیو چارو وزارت ویاند ګران هېواد په یو ویډیو پیغام کې رسنیو ته کړې ده او وایي، ایران هغه شواهد او اسناد رد کړي دي چې د افغان پناه غوښتونکو او کارګرو د وژنې او ځورونې د پېښې په تړاو ورسپارل شوي وو.
ښاغلی هېواد وایي چې د څېړنو په بهیر کې د افغان کمیسارانو اسناد، شواهد او مدارک خپلو ایراني سیالانو ته وړاندې کړل، خو متأسفانه د هغوی د تأیید وړ ونهګرځېدل.
هیواد وایي افغان حکومت دا کار د عدالت د تامین لپاره وکړ او هڅه کوي چې په راتلونکي کې د داسې پېښو مخه ونیسي
خو ایران غواړي چې له ډیپلوماټیکو لارو دا قضیه تعقیب کړي.
افغان چارواکي په خپلو څېړنو کې وايي چې ایراني پولهساتو ځواکونو د غويي په ۱۳مه یعنې څه باندې دوه اوونۍ وړاندې ۴۷ افغان پناه غوښتونکي په وهلو او د ټوپک په زور د سیند له لارې بېرته افغانستان ته د اوښتو لپاره اړ کړي وو.
د دغو افغانانو له ډلې ۱۲ تنه وژل شوي وه او ۱۷ لا درکه دي او پاتې ۱۷ نور ژغورل شوي دي.
افغان حکومت د پېښې د قربانیانو کورنیو ته یوه یوه نمره ځمکه او یو یو لک افغانۍ ورکړې او همیې له ژوبلو کسانو سره ۵۰ زره افغانۍ مرسته او کاري موقع برابره کړه.